Corazóns de chocolate

Non sei se algunha vez probastes as palmeiras de chocolate que venden na Tafona do Preguntoiro, en Compostela. Se xa o fixestes, xa saberedes que están boísimas. E se non, eu recoméndovolas 100%. Todo isto para dicirvos que o sabor destes corazóns de chocolate recordoume moitísimo ao desas palmeiras. Moito sabor a chocolate coa crema de cacao e ese sabor a masiña así medio acabada de facer, aínda tenra, húmida e moooi sabedeira.

corazóns de chocolate

O do día dos namorados é a desculpa perfecta para facer estes corazóns de chocolate para os que só precisamos tres ingredientes. E podedes facer unha opción máis saudábel se o facedes cunha crema de cacao caseira. Mais tamén vos digo que tampouco cómpre, pois de cando en vez, non pasa nada por facer, e comer, estas lambetadas. E se andades a pensar en agasallar a alguén con algo feito por vós, estes corazóns de chocolate son ideais, pois non se precisa moito coñecemento culinario para os facer.

corazóns de chocolate

Ingredientes para 6 corazóns

  • 1 masa de follado rectangular

  • 1 bote de crema de cacao

  • 1 ovo ou bebida vexetal para opción vegana

PREPARACIÓN

  • Cortamos a lámina de follado rectangular en 6 anacos máis ou menos iguais. Poñemos o forno a quentar a 180ºC.corazóns de chocolate
  • Botamos crema de cacao por cada un dos anacos que cortamos, repartíndoa ben por todo.corazóns de chocolate
  • Enrolamos cada rectágulo.corazóns de chocolate
  • E cortámolos ao medio coa axuda dun coitelo ben afiado ou dun cortapizzas ata case o final do roliño que fixemos.corazóns de chocolate
  • Collemos ámbalas dúas metades e xirámolas cara abaixo, para darlle forma de corazón. Apretamos a punta con forza para que una.corazóns de chocolate
  • Batemos un ovo e botámolo por riba de cada corazón ou ben un pouco de bebida vexetal.
  • Enfornamos a 180ºC durante uns 15 minutos. Se vedes que se abriron un chisco no forno, podedes xuntarlle as puntas ao sacalos do forno, pois añinda estarán tenros e xuntarán sen problema.corazóns de chocolate
corazóns de chocolate

Podedes botarlle un chisco de azucre en po por riba, ou decoralos con chocolate negro branco ou con leite. Se non vos gusta a crema de cacao, con crema de Lotus tamén han quedar moi bos. Ou pódese tamen tinguir o chocolate branco de cores e decorar. E hai tamén quen lle bota un pouco de abelá picada e dálle un sabor máis tipo Ferrero Rocher. Iso xa como vós prefirades. Así tal e como saen están moi bos. Eu deixeinos só os 15 minutos e están perfectas de textura. Crocantes por fóra e máis cremosos por dentro. Aguantan varios días sen problema. E non cómpre deixalos na neveira.

Leave a Comment

O teu enderezo electrónico non se publicará Os campos obrigatorios están marcados con *

*

Este sitio emprega Akismet para reducir o spam. Aprende como se procesan os datos dos teus comentarios.