Polo á mostaza con gornición de verduras

Print

Pasos

• Comezamos lavando todas as verduras. Cortamos a cebola en cuarteiróns e o pemento en anacos. Pelamos as cenorias e cortámolas en toros tamén.
• Colocamos todas as verduras a excepción do brócoli nunha bandexa apta para o forno, engadimos as patacas lavadas tamén e regamos por enriba cun chorriño de aceite de oliva. Botámoslles un pouco de sal e pementa e metemos no forno, que previamente quentamos a 200ºC, deixamos uns 60 minutos máis ou menos.
• Nun cunco mesturamos as 4 culleres sopeiras de mostaza con 6 culleres de aceite de oliva e follas de tomiño. Mesturamos todo ben e reservamos. Podemos engadir máis aceite se vemos que está moi espeso, ten que quedar un mollo non moi denso para poder cubrir o polo con el.
• Colocamos o polo nunha bandexa apta para o forno, salpimentamos e botámoslle por enriba a metade do mollo de mostaza que acabamos de preparar. Metemos no forno xunto as verduras e deixamos uns 45 minutos, dependendo do tamaño dos anacos de polo. Á metade do tempo botarémos por enriba do polo o resto do mollod e mostaza.
• Cando pasen 30 minutos, cortamos o brócoli en ramiñas e cociñámolo co resto das verduras os últimos 30 minutos para evitar que se queime e fique algo crocante.
• Agardamos a que se cociñen todos os ingredientes, remexendo as verduras de cando en vez para evitar que se queimen.
• Finalmente, servimos o polo acompañado da gornición cun chisco do mollo de mostaza que ficou no fondo da bandexa e decoramos cunha ramiña de tomiño.