domingo, 25 de abril de 2021

"Donuts" saudábeis

 DONUTS SAUDÁBEIS? Vaia, parece un oxímoro en toda regra. E si, porque estes donuts donuts... non son. Mais si son a súa versión máis saudábel. 

Xa sabemos que agora estades a ter todos esa mirada de desconfianza que pomos cando nos contan algo inverosímil porque nós tamén o fixemos. Mais non vos queda outra que confiardes en nós.

A receita chegou a nós a través duns amigos que lograron un resultado excelso e nos meteron a ansia. O creador orixinal é Chef Bosquet, que está máis que experimentado neste tipo de creacións sorprendentes. 

O caso é que para nós estes roscos de chocolate son unha das grandes tentacións larpeiras que existen, xa sexan os procesados, os de panadaría... sábennos todos e todos teñen pouco de san. Pero chegou esta ideaza á nosa vida e... guau, que barbaridade de receita!



“Donuts” saudábeis


Ingredientes: 

     
  • 140 g de cabaza asada
  • 80 g de dátiles (e auga)                                   
  • 40 g de cacao puro
  • 35 g de fariña de avea integral
  • 35 ml de aceite de oliva
  • 2 ovos
  • 1 cullerada de lévedo
  • 1 culleriña de vainilla (opcional)
  • Un chisco de sal
Para a decoración:
  • 300 g de chocolate para fundir 
  • Améndoas picadas

Utensilios: unha cunha alta, un batedor eléctrico e moldes.


Elaboración:


Para comezarmos, temos de asar a cabaza.


E remollar uns minutos os dátiles en auga.



A continuación, botamos todos os ingredientes nunha cunha: a cabaza e os dátiles (sen auga).


A fariña de avea, o lévedo e o cacao.



A vainilla, o aceite e o sal.


Trituramos todo. 


Engrasamos os moldes e repartimos a mestura.


Forneamos a 170º, calor arriba e abaixo, durante 18 minutos.


Desmoldamos e deixamos arrefríar.


Derretemos o chocolate e mesturámolo coas améndoas. Na receita orixinal leva chocolate negro que é o ideal para lograrmos ese adxectivo de saudábel mais é certo que nós optamos polo chocolate con leite. O outro fáisenos algo amargo.


Cubrimos os donuts, deixamos arrefríar e xa estarían listos para comer! 


Agardamos que vos gusten! E destas receitas coas que queremos transmitir insistencia para proba porque conquistan a calquera. Gozade moito e contádenos canto! Aperta forte, bolboreteir@s!


Ningún comentario:

Publicar un comentario