Aquí estamos en plan inglés: que sae un raio de sol e xa nos poñemos en modo “pleno agosto”. E claro, pasar pola praia pide xa comidiñas de verán, así que hoxe abandonei as berzas por un rato e dinlle á ensalada de lentellas fría, que refresca, alimenta e aínda por riba está ben rica.
Se necesitas algunha idea de ensalada diferente e que aguante ben ir no tupper, esta é a túa.
Ahí vola comparto!
Ingredientes
- 400 gr de lentellas cocidas
- 1 tazón de almorzo de Heura
- 4 tallos de cebollino
- 1 mazá
- 2 culleres sopeiras de alcaparras
- 2 tomates
- 2 culleres sopeiras de pipas de xirasol
- Aceite de oliva
- 2 culleres sopeiras de salsa de soia
- Unha culler sopeira de zume de limón
- Un chisco de sal
Elaboración
- Pelar a mazá en lonchas finas ou en tacos pequenos. Meter nun bol e cubrir con aceite de oliva para deixar macerar.
- Nunha tixola dourar o Heura e retirar para deixar atemperar antes de agregalo á ensalada.
- Noutro bol, agregar as lentellas xa cocidas, o tomate cortado en anacos, as culleres de alcaparras e as pipas. Agregarlle as mazás e un pouco do aceite da maceración e por último incorporar os anacos de Heura. Mesturar todo ben.
- Para o aliño bater nunha cunca catro culleres sopeiras de aceite de oliva (do aceito no que deixamos macerar as mazás), o zume de limón, a salsa de soia, o cebollino e un chisco de sal e regar a ensalada.
Recomendacións
- As pipas poden ser tanto de xirasol como de cabaza. Queda igual de ben.
- Na receita orixinal que eu tiña, agregábanlle tamén uns 80 gr de tacos de queixo de cabra semicurado, por se che da por querer engadirlle queixo.
- Vai moi ben como prato frío para comer nos días calorosos do verán (os que o pilledes, porque por estos lares, calor, calor…)
Receita orixinal: receita adaptada dunha revista de cociña fácil de Lecturas do ano da polca. Zero waste, aquí damoslle nova vida ata as receitas máis vellas 🙂 .
