Nokia presenta un smartphone de grande resistencia
martes, 27 de xullo do 2021
Para
os usuarios que precisan dun smartphone resistente presentan o Nokia
XR20, un teléfono que sairá á venda a mediados de agosto a un prezo 569
euros na súa versión con 6 GB de RAM e 128 Gb de almacenamento (ampliable
mediante tarxetas microSD de até 512 GB), co que deixan claro que estamos ante
un dispositivo de prestacións completas que non se limita a soportar duras
condicións de uso.
Un detalle a salientar deste novo teléfono son as súas garantÃas, xa que Nokia
garante que recibirá actualizacións de seguridade durante 4 anos,
actualizacións de sistema operativo durante 3 anos e incluso a substitución de
pantalla de balde durante un ano (o que supón unha grande tranquilidade para
moitos usuarios).
O Nokia XR20 está deseñado para durar, cunha carcasa ultrarresistente e un cristal
moi duro (Corning Gorilla Glass Victus), de xeito que aguanta rabuñaduras,
caÃdas, temperaturas extremas e auga, contando con certificación MIL-STD-810H.
No apartado das cámaras o Nokia XR20 presume dunha cámara traseira dual cun
sensor principal de 48 MpÃxeles e un grande angular de 13 MpÃxeles, incluÃndo
modo SpeedWarp con superestabilización e captura de audio espacial OZO con
cancelación do ruÃdo do vento. E dado que coida o apartado sonoro na gravación,
tamén fai o propio na reprodución, estando equipado con altofalantes estéreo.
Entre as súas especificacións podemos comentar tamén que ten pantalla Full HD+
de 6,67 pÃxeles capaces de funcionar con luvas ou mans húmidas; funciona cun
procesador Qualcomm Snapdragon 480 5G (ou sexa, que ten conectividade 5G); a
súa autonomÃa ten unha capacidade de 4.630 mAh con carga rápida de 18 watts por
cable e 15 watts sen fÃos; inclúe NFC e toma para auriculares.
- O Nokia XR20 soporta auga e golpes
VÃdeo promocional do Nokia XR20