Salmón á prancha con mollo de laranxa

Print

Pasos

• Comezamos espremendo o zume das dúas laranxas e do limón. Engadímoslle un chisco de sal, pementa negra moída e as 3 culleres de sobremesa de azucre.
• Despois poñemos o zume nun cazo a fogo medio e deixamos reducir uns 10 ou 15 minutos mentras remexemos a cada pouco até que espese. Retiramos do lume e deixamos que arrefríe un chisco para que acabe de espesar.
• Mentras tanto cociñamos o salmón nunha prancha ou tixola, cun chisco de sal e pementa e sen necesidade de engadir aceite pois o salmón xa é graxo abondo.
• Cociñámolo primeiro polo lado da pel e pasados uns 5 minutos polo outro lado até que estea ben pasado. 
  
• Servimos nun prato o salmón co mollo de laranxa por enriba. Podemos decorar cunhas folliñas de rúcula e acompañalo cunha ensalada.